NATIONAL – Igin mando na han buhatan han Department of Agriculture an temporaryo nga pagpapatuman han import ban ngatanan han mga domestic ngan wild bird han Turkey mahitungod na gihapon ha pagsarang han bird flu ha parte han Europa.
Sumala kan Agriculture Secretary Francisco Tiu Laurel Jr., panuyo han nasabi nga mga pitad nga mapugngan an pagsulod ngan pagsarang han nasabi nga sakit ha nasud.
Basar ha iginpagawas nga Memorandum order, gin manduha ni Sec. Laurel an pagpapa-undang ha pag-iisyu han sanitary ngan phytosanitary import clearances ha importasyon han domestic ngan wild bird tikang ha nasabi nga nasud,
Kasumpay hine, igin bawal han ahensya an pagpapasulod han mga produkto nga kinatay o gin produce ugsa an Enero 1 han presente nga tuig.
Kaupod ha mga igindidire in an karne, day-old chicks, bunay, ngan semilya.
Ha iginpagawas nga datos han Turkey sa World Organization on Animal Health, nagkamay-ada hin pagsarang han H5N1 High Pathogenicity Avian Influenza ha Sarayduzu, Merkez Turkey.
