NATIONAL – Ginpagawas han Agriculture Sec. Francisco Tiu Laurel Jr. an bag-o nga aludayday agud mapakusog an proteksyon han nasud kontra ha African Swine Fever ngan masigurado an talwas nga pag-aangkat han karne nga baboy ha ilarum han Administrative Circular No.12.
Kun diin kaparte ini han ira national zoning plan ha para ha ASF recovery ngan safe trade.
Ginpatuman ha nasabi nga order an regionalization han ASF nga nagtutudlok ha mga ASF-free zones ha sakob han mga nasud nga gintugutan mag-export basar ha World Organisation for Animal Health standards.
An mga nasud nga may DA accredited la an gintutugutan nga mag-apply para ha ASF-free recognition kun diin maagi ini ha unom ka-bulan nga technical review han Buraeu of Animal Industry.
Ginsisigurado naman han DA nga an bag-o nga guidelines in mababaton han balanse nga food security ngan mahugot nga biosecurity nga may panuyuan maprotehera an mga lokal nga magbababoy samtang napapabilin an talwas ngan makatarungan nga kalakalan.
