NATIONAL NEWS– Dire nawawarayan hin paglaum an Department of Agriculture (DA) nga utro nga magkakamay-ada hin kumpyansa an mga magba-baboy yana nga nagtikang na an pagbabakuna kontra ha African Swine Fever (ASF).
Ine in ha kaluyo ha nagin dako nga epekto han ASF outbreak ha nasud ngan pag-undang han mga magba-baboy nga mga negosyante.
Kasumpay hine in ginsigurado han ahensya nga ginbubuhat nira an ngatan agud dire dumamo ngan magsarang an ASF ha nasud sanglit nag-alutaga hin P300 milyon para ha pagpalit han 600,000 nga mga bakuna ngan andam gihapon an mga ine nga magbiling hin kadugangan nga pondo kun mapapamatud-an nga epektibo ine.
Ha presente, 32 nga probinsya an padayon nga apektado han ASF pero syahan na nga ginsalang ha pambakuna an ada ha sobra 40 nga mga baboy ha Lobo, Batangas nga gindeklara nga ada ha red zone han nasabi nga virus.
