NATIONAL NEWS– Ginhuman na han Department of Agriculture (DA) an draft bill nga nagpapanuyo nga pakusgon an kapasidad han National Food Authority (NFA) igstabilisa an presyo ngan suplay han bugas.
Subay ha DA, panuyo han balaodnon, nga bag-uhon an mga polisiya han gobyerno ngan pakusgon an seguridad han pagkaon.
Gintagan duon gihapon hine nga an NFA an naghihimo hin dayon nga desisyon agud nga mapabilin an suplay han bugas.
Usa ine ha mga solusyon nga ginhahangyo ni House Speaker Ferdinand Martin Romualdez agud nga suportahan an programa ni Pangulong Ferdinand Marcos Jr. nga P20 rice ha ilarom han Benteng Bigas Meron na (BBM).
Susundan gihapon ine hin draft bill an Rice Tarrification Law agud nga tugutan hiton NFA nga magbaligya ngan pangunahan an ira buffer stock.
Pinaagi hiton regulasyon, tatagan hin katungod an NFA nga pangunahan an buffer stocks para ha madagmit nga distribusyon hiton humay, nga magpapadagmit ngan magigin episyente ha pagbaton han panginahanglan han publiko.
