Gin tanggal han Department of Agriculture (DA) an pagkabaraka han publiko kasumpay ha posible nga paghitaas han presyo han pagkaon ha nasud.
Sumala kan Agriculture Secretary Francisco Tiu Laurel Jr., an “worst-case scenario” nga iginpapakita ha pira nga report in dire dayun mahitatabo mahitungod ha mga interbensyon han gobyerno.
Igin hulagway han sekretarya nga nakabase ini ha “extreme assumptions” ngan dire kaupod ha mitigating measures.
Iginpapasabot daw han mga presyo nga ginpakita nga naaabat na an bug-os nga epekto han malaksi nga paghitaas han presyo han krudo, pero duon han sekretarya, waray iginlakip an ginbubuhat nga aksyon han gobyerno agud proteheran an mga Pilipino tikang ha oil shocks.
Dugang pa, dire kinahanglan mag-panic mahitungod nga supresyente an suplay han pagkaon ngan mayda mga nakatalag nga pitad an gobyerno agud batunon an epekto han paghitaas han presyo han lana ha butnga han kasamok ha Middle East,
Gin sigurado gihapon han DA nga stable an suplay han bugas, mais, asukar, utanon, ngan karne kutob Hulyo 2026.
Gin aadman na gihapon han DA an pagpapatuman han P50 per kilo nga price ceiling ha imported nga bugas agud makabulig ha mga mamaralit, samtang ginsigurado nga dire gihapon malaprak an presyo han humay han mga lokal nga parag-uma.
Nag-aandam na gihapon an gobyerno nga magpagawas hin dire maubos ha P100 milyon nga fuel subsidy para ha mga parag-uma ngan paru-pangisda agud maibanan an dugang-presyo ha transportasyon ngan produskyon.
Nagpahimatngon naman an DA kontra ha hoarding ngan profiteering o pagsingbot ha paghitaas han presyo han mga traders.
