-- Advertisements --
NATION NEWS– Gin-aghat han Department of Agriculture (DA) an publiko nga dayon igsumat ha ira opisina an nagbabaligya hiton mga ‘overpriced’ nga bugas.
Ginmalatumat ni Agriculture Secretary Francisco Tiu Laurel Jr, nga pwede kuhaan hiton publiko hin litrato ngan igpadara ha ira opisina an mga negosyante nga nagbabaligya hin hitaas nga presyo hito bugas.
Usa ha mga gintutudlo hine an pagbubutang hin dire sakto nga label ha mga bugasan ha Cartimar Market ha Pasay nga nakagkawsa hin kawurok ha publiko.
Kasugbong han mga ine an Department of Trade and Industry nga naghihimo hiton pamaagi para ha implementasyon han unified labelling guidelines.
