TACLOBAN CITY- Guindepensahan han Department of Agriculture (DA) Regional Office 8 an plano ni Secretary Emmanuel Piñol nga magpasa hin proposal kan Presidente Rodrigo Roa Duterte nga gamiton an pondo han 4Ps para ha livelihood nga programa han buhatan.
Sumala kan Christine Colasito han DA- Region 8 nga nahimugso an mao nga plano ni Secretary Piñol mahitungod nga kulang daw an magtatrabaho ha sektor han agrikultura.
Dugang pa hini, nga angay la nga magkatugbang an mga tagmangulo han Department of Social Welfare and Development (DSWD) ngan han Department of Agriculture (DA) agud magkasarabot ha pagpadangat hin bulig ha mga katawhan.
Manunumduman nga guintipahan han tagapagyakan han DSWD 8 an mao nga plano mahitungod nga diri daw ngatanan nga mga benepisaryo an naabuyon hini.
