TACLOBAN CITY- Arestado an usa nga cyber extortionist ha gindumara nga operasyon ha Brgy. Poblacion Hinunangan Southern Leyte .
Ginkilala an suspek Charlie Pamugas, 39-anyos an pangidaron, may asawa ngan usa nga Overseas Filipino Workers ngan residente han Barangay Lungsodaan Hinundayan Southern Leyte.
Sumala kan PCol. Dante Novicio, Provincial Director han Southern Leyte Police Provincial Office, nga una na nga naka-karawat an stasyon han kapulisan hin reklamo kontra ha mao nga suspetsado ha usa nga residente han mao nga lugar nga anay uyab han mao nga suspek.
Ginrereklamo an suspetsado matungod ha pan -popost hine hin mga nude picture nira nga duha.
Dugang pa ni PCol. Novicio nga an motibo han suspek in man blockmail ha mao nga biktima.
Sanglit nga dayon nga nadumara hin entrapment operation an mga otoridad matungod nga nag de-demand na an suspetsado hin P21,000 ka pesos ha biktima.
Mababaruan nga samtang nagdudumara hin entrapment operation ngan han igduduhol na an mao nga kantidad in didto na gindakop han mga kapulisan an mao nga suspetsado.
Narekober ha operasyon an usa nga cellphone kun diin nakadto an mga nude picture nga igin post han suspek.
Hapagkayana in maatubang an suspek ha pagtapalas ha R.A. 9995 – Anti-Photo and Video Voyeurism Act of 2009, ngan sugadman ha RA 9262 Anti-Violence Against Women and their Children Act of 2004.
