SPORTS – Tumugot hi Stephen Curry nga magkamay-ada hin usa katuig nga extension han iya kontrata ha Golden State Warriors.
Subay ha koponan, an nasbai nga contract extension in nagkakantidad hin $62.8 milyon hin maabot ha 2026-2027.
An 36-anyos manggud nga hi Curry in mayda pa duha katuig nga nasasalin ha iua upat katuig nga kontrata nga nagkakantidad hin $215.4 milyon nga gin pirmahan dida han Agosto 2021.
Basar manggud ha “over-38 rule” han NBA collective bargaining agreement nga pwede la hiya magkamay-ada hin one-year extension mahitungod nga magigin 38-anyos na ine kun mahuman na an kontrata hine ha Marso 14, 2026.
An 10-time All-star, four-time NBA Champion, ngan two-time scoring nga hi Curry in mayda 26.4 points average, 5.1 assist, ngan 4.5 rebounds.
