TACLOBAN CITY- Nagdumara an Civil Service Commission VIII hin Government Job Fair 2025, kasugbong an magkalain-lain nga ahensya yana nga adlaw.
Ini in kaparte han 125th Philippine Civil Service Anniversary, kun diin may-ada 22 participating agencies ha bug-os nga rehiyon an naki-usa.
Sumala kan Atty. Flordeliza C. Algas Civil Service Commission, Director III, ha mao nga Job Fair, mayda 150 nga mga plantilla position an abelable, samtang 120 naman ha mga non-plantilla position.
Dugang pa han nasabi nga opisyal, an nasabi nga Job Fair, in nagpapanuyo nga mabuligan an mga job seekers nga magkamayda hin trabaho.
Abre naman ine ha tanan nga maruruyagon nga mag-aplay, lakip na gihapon adton mga Persons with Disabilities.
An nasabi nga Job Fair, in magdudugay la kutob hiton alas 5 han kulop yana nga adlaw.
