SOUTHERN LEYTE – Gin malatumat ni Southern Leyte Police Provincial Office Provincial Director, PCol. Raymundo Graveles nga epektibo ha ira probinsya an ginpapatuman nga Crime Prevention Program han kapulisan.
Dugang pa hini, gin oobserba ngan 24/7 an ira pagbantay kun diin mapa-adlaw man o gab-i in mayda hira nakabutang nga pulis agud magbantay ngan manginano han kabutang.
Ginpahayag gihapon hini nga mas nagin mahugot pa an ira pagbabantay kadungan han pagpatuman han mga umento ha produkto nga lana resulta han padayon nga kasamok ha Middle East.
Ginbubuhat gihapon ini agud malikayan an pagkamay-ada hin mga magkadiru-dilain nga krimen may paghisumpay ha paghitaas han presyo han lana.
Sumala pa kan Graveles, ginmanduhan niya an iya mga commander nga igpatuman an Crime Prevention Program agud dire magkamay-ada hin epekto ha kumunidad an presente nga krisis, sugad han pangawat.
Ginpasalamat naman hini nga ha kaluyo han krisis ha produkto han lana in waray hira may nahipatik nga krimen maypaghisumpay hini tikang han pagtikang han presente nga sitwasyon.
