NATIONAL – Pormal na nga gintikangan an joint Cope Thunder exercise ha butngan han Pilipinas ngan Amerika dida han nakalabay nga adlaw, Abril 7, ha Clark Air Base ha Pampanga.
Subay ha Philippine Air Force (PAF), an nasabi nga bilateral exercise in sponsored han US Pacific Air Forces nga gintawag nga Cope Thunder Philippines 25-1.
Mag-iiha an nasabi nga paghag-id ha sulod han semana kutob ha Abril 18.
Kaapi ha paghag-id an kabug-usan nga 729 personnel han PAF kaupod an upat nga FA-50PHs, tulo nga A-29B Super Tucanos, usa nga S-76A, ngan usa nga S-Huey.
Ha parte naman han US, ada ha 250 PACAF personnel an maupod ha paghag-id kaupod han 12 F-16 fighter jets.
Makikiparte gihapon an counterparts han PAF ha Malaysia, Thailand, Australia, Japan, ngan Indonesia pinaagi han international observer program.
Pagdudumaraon naman an paghag-id ha magkaduru-dilain nga mga lokasyon ha Northern Luzon, sugad han Basa Air Base ha Floridablanca, Pampanga; Clark Air Base ha Mabalacat City, Pampanga; ngan Colonel Ernesto Ravina Air Base ha Capas, Tarlac.
