TACLOBAN CITY – Gin lunsar han Samar II Electric Cooperative, Inc. (SAMELCO II) an ira bag-o nga programa nga “Connet Now, Pay Later”.
Sumala kan SAMELCO II Institutional Services Department Manager, Dickson Bernales, panuyo han nasabi nga programa nga makabulig hadton mga dire makaka-akos pakagbayad hin One-Time Payment ha pagpapa-taod hin kuntador hin kuryente.
Ada gudman ha P3,000 an pinakaminimum nga bayad han pagpapa-taod hin kuntador hin kuryente ngan ine in kun harani la an imo balay ha poste han kuryente.
Ha nasabi nga programa, tutugutan an usa nga indibidwal nga makagpataod hin kuntador hin kuryente kun diin babayaran ine hin hulugan ha sulod hin usa ka-tuig ngan igdudugang ha baraydan han bill ha kuryente.
Ada naman ha kutob 50 metros la tikang ha poste han kuryente tikadto ha balay han indibidwal an maximum nga tutugutan nga kahirayo han pagtaod han kuntador nga pinaagi han “Connet Now, Pay Later”.
