TACLOBAN CITY – Ginsulod hin mga kawatan an usa nga eskwelahan ha Southern Leyte kun diin ginkawat in kadam-an nga computer parts han waray pa kahikikilal-i nga mga suspek.
Sumala kan PSSgt. Danilo Salazar Jr., Desk Officer hiton San Francisco Municipal Police Station, nadara han mga suspetsado an mga 23 ka sets hin Central Processing Units (CPUs) ngan 23 ka sets hin Ram tikang han Computer Room han Brgy. Pasanon Elementary School ha San Francisco, Southern Leyte
Ha inisyal nga imbestigasyon, ginpwersa pag-abri han mga suspetsado an computer room pinaagi han pag-guba han doorknob. An mga parts nga kinawat in nagkakantidad naman daw hin P332,000.
Ha pagkayana in nagpapadayon pag-imbistigar han mga kapulisan agud matudlok ngan maaresto an mga suspetsado.
