NATIONAL – Target nga resolbahon han Commission on Elections (Comelec) an ngatanan han nakabinbin nga nuisance cases ha katapusa han Nobyembre.
Sumala kan Comelec Chairman George Garcia, ha oras nga makompleto na an resolution para ha nakabinbin nga mga kaso han nuisance candidates ha Senatorial race in titikangan na an pagresolba ha mga petisyon nga igdeklara nga nuisance an ada ha 300 nga lokal nga kandidato para ha 2025 midterm elections.
Syahan na nga gin deklara han poll body an ada ha 47 Senatorial candidates kumo nuisance, samtang nakatalaan naman ig pagawas an desisyon para ha nasasalin pa nga kaso han 117 Senatorial aspirants.
Ha oras nga maresolba naman an ngatanan han nuisance cases, ginlalauman nga maigagawas na an malimpyo nga listahan han mga kandidato ha Disyembre.
