-- Advertisements --
NATIONAL – Nagdumara an Commission on Elections hin limitado o special voters registration para ha mga Persons Deprived of Liberty (PDL) ha New Bilibid Prison ha Muntinlupa City.
Gin anunsyo naman ni Bureau of Corrections Director General Gregorio Pio P. Catapang Jr. nga sobra-kulang 2.431 PDLs an angay nga bumulig ha nasabi nga registration.
Subay naman han resolusyon nga ginhaon han COMELEC, an mga kinahanglan la nga tugutan nga mag-rehistro in an mga masunod;
- 1. An mga preso nga pormal nga ginpasakahan hin bisan anu nga krimen ngan naghuhulat o nagpapailarom ha pagdungog.
- 2. An mga nagseserbi hin sentensya han pakakapreso hin waray pa usa katuig.
- 3. An mga nasirotan hin mga krimen nga ginkakadabihan hin kadire pagigin tangkog ha gintalaan han gobyerno, sugad han rebelyon, sedation, pagtalapas ha mga balaod han pusil, o bisan anu nga krimen kontra ha national security o bisan anu pa nga krimen, in gin aapela.
Dugang pa ni Catapang, magdudugang hin seguridad an ahensya kun diin pagbubuhaton an registration.
