NATIONAL – Utro nga gin-aghat han Commission on Elections (COMELEC) an pag-donar ha mga daan nga Precinct Count Optical Scan (PCOS) ngan Vote Counting Machines (VCM) units nga nagamit ha mga nakalabay nga piniliay ha nasud.
Basar ha report han komisyon, an mga nasabi ng kagamitan in gintatapo-tapo na samtang adto an mga ine ha bodega. Ginbubug-os ine hin 80,000 PCOS machine ngan 97,000 VCM machine.
Subay ha ahensya, naka-andam an komisyon nga igdonar an mga daan nga makina ha Department of Education (DepEd) ngan Professional Regulation Commission (PRC).
Sumala kan COMELEC Chairman George Garcia, dati na gihapon hiya nga nagdumara hin inspeksyon ha mga nasabi nga kagamitan ngan natudlok nga ada pa ha maupay nga kabutang samtang nakatambak ha bodega.
An mga Precinct Count Optical Scan (PCOS) machine in syahan nga ginpakilala han Pilipinas dida han 2010 Presidential Elections tikang ha Smartmatic.
Utro naman nga gumamit hin PCOS an Pilipinas dida han 2013 Midterm Elections.
