NATIONAL NEWS– Ginpanhimuwa han Commission on Elections (Comelec) an daw “dagdag-bawas” ha mga resulta para ha 2025 senatorial race.
Ha usa nga press conference, gin-esplikar ni Comelec chairman George Garcia nga myada media outfit nga nagpagawas hin resulta hiton piniliay ngan waray limpyuhi an datos o impormasyon nga nakarawat tikang ha Comelec data server.
Gin-esplikar niya nga mayda la duha nga media outfits nga may programa nga limpyuhan an mga hilaw nga resulta han piniliay tikang ha data server han poll body ugsa ine ig-publisar.
Ginhimo ni Garcia an pag-esplikar mahuman nga mag-viral an resulta han election para pagka-senador matungod ha daw “discrepancy” ngan “decline” han sobra kumulang 5 ka-milyon nga botos nga nakarawat han usa nga kandidato ha pagkasenador.
