-- Advertisements --
TACLOBAN CITY – Guinpasamwak han Commission on Elections (COMELEC) nga diri na ini naghihimo hin mga Voter’s ID.
Guinklaro ni Atty. Maria Gorreti Caseñas- Cañas, Election Officer han City COMELEC na guin- undang na an paghimo han Voter’ s ID mahitungod han National ID System nga guinpapatuman han gobyerno.
Ha kaluyo hini, guin aghat naman ni Atty. Cañas an publiko nga kuhaon na an mga voter’s ID nga nagpapabilin pa ha ira buhatan.
Mababaruan nga an National ID in pangkabug-usan nga ID han usa nga indibidwal kun diin an Philippine Statistics Authority (PSA) an guintudlok nga ahensya han gobyerno nga magproseso hini.
