NATIONAL NEWS– Ginklaro ni Commission on Elections chairman George Garcia nga waray hiya intensyon nga impluwensyahan an desisyon han Korte Suprema kasumpay ha South Korean firm nga Miru Systems, an service provider para ha 2025 automated midterm elections.
Ginbuhat ni Garcia an pagklaro kasumpay han iya pahayag nga posible pagdumaraon an manual 2025 national ngan local elections in kaso nga mag-isyu hin ruling an Supreme Court kontra ha Miru Systems.
Kasumpay hine, ginhangyo ni anay Caloocan 2nd district Representative Edgar Erice ha Korte Suprema nga pasakahan hin contempt hi Garcia para ha pagtalapas ha sub-judice rule nga nagbabawal ha pagkomento ngan disclosures may paghisumpay ha nakabinbin mga hearing ha korte agud malikayan an pagsirot ha isyu, pag-iimpluwensya ha korte o pagbalabag ha pagseserbi han hustisya.
Ginpanhimuwa naman ni Garcia an alegasyon kontra ha iya nga ginpahayag nga may rason hiya para magyakan mahitungod nga kinahanglan nga ma-update an publiko kasumpay han tiarabot nga piniliay.
