NATIONAL – Bug-os na an desisyon han Commission on Elections (Comelec) kasumpay ha pagbubuhatonh nga regulasyon ha paggamit han magkaduru-dilain nga pormal han artificial intelligence (AI).
Sumala kan COMELEC Chairman George Erwin Garcia, mayda man o waray balaod, magpapagawas an komisyon hin aludayday nga susundon ha paggamit hin AI.
Nagpapadayon na daw an konsultasyon nga ginhihimo han komisyon kaupod an pira nga mga eksperto agud tudlukon an mga klase han AI nga gagamiton nga natikaharani nga piniliay.
Pagduon pa ni Garcia, bisan daw anu an magin resulta han pagbubuhaton nga konsultasuon ngan pag-aram, igduduso daw ine han komisyon, kaupod na an pagpapagawas han aludayday.
Naka-andam na daw gihapon an komisyon para depensahan an desisyon hine ha korte, kadungan han pagduduon nga may kapas ngan otoridad an komisyon para magregulate ha magkaduru-dialin nga pamaagi o porma han information dissemination, anuman ka kalimitado subay ha Fair Elections Act.
