NATIONAL NEWS– Ginmalatumat ni Commission on Elections (COMELEC) Chairman George Erwin Garcia nga 95% na nga andam an poll body ha nagtitikaharani nga election.
Dugang pa hine, kutob yana in mayda pa hira ginhuhuman ngan ginaasikaso ha kaluyo nga 1 nala kaseman in piniliay na.
Ginmalatumat pa ni COMELEC Chairman Garcia, ha nagpapadayon nga Final Testing and Sealing (FTS) yana nga semana, waray panaman hira nakit-an nga nagka-aberya sugad hiton technical issue nga na-eeksperyensyahan han electoral board members.
Ngan waray gihapon mga Automated Counting Machines (ACMs) nga dire nakarawat hin mga balota.
Magdudugaya naman an final testing and sealing kutob ha Mayo 7.
Kasumpay hine, ginlalauman gihapon yana nga semana nga mahuhuman an distribusyon han mga balota ha magkalain-lain nga parti han nasud matungod nga magtitikang na gihapon igpandistribwer an mga magturotdo para ha hiton 2025 Midterm Election.
