TACLOBAN CITY – Iginbalik pagpatuman ha mga tricyle han syudad han Tacloban an coding o an pagbabawal ha paggamit han sarakyan ha mga partikular nga adlaw base ha katapusan nga numero han ira plate number.
Sumala kan Tacloban City MCH Driver Association Vice President, Joseph Tangile, dadakpo han TOMECO an ngatanan nga magtatalapas ha nasabi nga coding.
Dugang pa hine, bisan kun personal an paggamit han tricyle in dadakpon la gihapon ine basta adlaw han imo “coding”.
Panuyo han pagbabalik han nasabi nga balaod in malikayan an pagdugang pa han trapiko ha syudad mahitungod nga naghuhuruot na an kakarsadahan.
Sumala pa hine, ugsa an eleksyon in waray pa igpapatuman ine nga coding, pero kahuman han eleksyon in gintikangan ine pagpatuman utro.
Samtang, igintutugot naman na an pag-agi han mga tricycle ha may naka-barikada nga parte ha may Sto. Niño Church tikadto ha may Rizal Central School.
