TACLOBAN CITY– Nagpapadyon an pangandam han Coast Guard Eastern Samar para han Tropical Depression Ada nga ginlalauman maigo ha Sinirangan Bisayas.
Sumala kan CAPT. Jonathan C. Marfil, Commnder han Coast Guard District Eastern Samar, naka red alert na an ngatanan nga units ha stations ngan substations han Coast Guard District Eastern Visayas ngan gin-activate na an mga deployable response group teams, labi na ha mga lugar sakop hiton Tropical Cyclone Wind Signal #1.
Nagbandilyo na hira hiton mga impormasyon particular na ha mga nag-uukoy harani ha mga low lying areas, sugadman adton mga parupangisda nga dire la anay magpalawod matungod han maraot nga panahon.
Mababaruan nga naka-ilarom ha Signal #1 an bug-os nga Samar nga Timog-Sinirangan nga parte han Southern Leyte, pati na an pira ka mga lugar ha Biliran.
Mababaruan nga nagpagawas hin Maritime Safety Advisory an Coast Guard District Eastern Visayas, nga nagkakansela han tanan nga biyahe hiton mga sakayan pandagat yana nga adlaw hiton Enero 15, 2026.
