INTERNATIONAL – Ginpahayag han mga siyantipiko nga an natabo nga wildfires ha Los Angeles, USA dida han Enero 7, 2025 in dara han climate change kun diin nagresulta ini ha pagkamatay han dire mahamubo ha 28 katawo ngan pagkadestruso han sobra 10,000 nga mga kabablayan.
Sumala pa ha mga siyantipiko, dako nga parte han pandestruso an dara han pagbabag-o han klima. Ha mga pag-aram han World Weather Attribution network, an mga mapaso, mamara, ngan mahangin nga kondisyon an nagpapakusog ha mga sunog nga posible nga mas humitaas matungod ha global warming.
An mao nga sunog gihapon in ginpakusog han grabe nga “Santa Ana” nga hangin ngan katsirak nga kondisyon han lugar tikang pa han bulan han Mayo 2024, pati na gihapon an pagribhong han mga tanom dara han mga pag-uran dida han nakalabay nga duha ka-tuig, nga naghatag hin kadugangan nga fuel ha kalayo.
Nasabtan pa ha pag-aram nga an mapaso ngan mamara nga kondisyon ha lugar in nagiha hin kadugangan nga 23 ka-adlaw kada tuig, ngan padayon nga nagtitikahirani an mga ini ha “Santa Ana” winds nga nagpapasarang pa han mga wildfire.
Samtang, ha ira naman presente nga pangita, ngan ha real-world weather data analysis hini, in nagpakita hin paghitaas han tyansa han pag-utro han LA wilfires.
