TACLOBAN CITY – Nagdumara hin Clean-Up Drive an Police Regional Office 8 ngan Office of the Tacloban City, sugadman an Regional Community Affairs and Development Division han nakalabay nga adlaw kadungan han pagsalin-urog han Valentine’s Day.
Sumala kan PMaj. Marjorie Manuta Information Officer han Police Regional Office Vlll, nga an nasabi nga aktibidad in kaparte han PRO- environmental conservation ngan protection efforts, kun diin ine in aada gihapon ha PNP Core Values nga “Makakalikasan”, nga may panuyuan nga maghatag hin kadugangan nga ka-aram maypaghisumpay ha pagproteher ngan pagbantay han aton kalibungan.
Samtang kaupod gihapon han nasabi nga clean-up drive in nagbuhat gihapon an PRO-8 hin usa nga feeding program ha mga kabataan nga tikang ha Brgy. 13, syuada han Tacloban, kun diin nagin manilampuson an mga nasabi nga aktibidad dida han katungtungan han Valentine’s Day.
