TACLOBAN CITY- Maabot ha 60 nga mga nanay tikang ha Norte nga mga Barangay an nakatagamtam hin manok ngan baboy dispersal han City Nutrition Office ngan han City Veterinary Office.
Sumala kan Malou Tabao, Infromation office han City Nutrition Office, nga han nakalabay nga Agusto 23, nagpirma hira hin
Memorandum of Agreement ngan an mga benepisaryo han pig dispersal ha Brgy. Old Kawayan nga mga nanay nga may anak nga mga malnourished o habobo an timbang.
Dugang pa han mao nga opisyal, nga kaparte ha mekanismo han programa an pagbuhi o pag-anay hin baboy, para mahimo nga surok hin pakabuhi han mga nanay ha northern barangays.
Ginmalatumat pa han mao nga opisyal, nga kun ada na ha sakto nga timbang an baboy pwede han mga ine igbaligya agud nga maka-income, ngan an halin in pwede na nga igpalit hin magsustansya nga pagkaon para ha ira pamilya.
Ginpahayag pa han mao nga opisyal, nga mayda napulo an nakatagamtam han native chicken dispersal ha Brgy. Sta. Elena, ngan ine in ira huhuptan, (usa nga sunoy ngan ugang nga manok) ngan kun magbonay na, tutungaon ine; para han pankunsumo han pamilya ngan an iba papapusaon para han kadugangan nga benipisaryo han programa.
Panuyo, hiton mao nga inisyatibo in agud nga mapahamubo an malnutrition prevalence ha syudad, nga natuman nga humitaas matungod han epekto han sobra 2 katuig nga pandemya, sugad han kawaray trabaho ngan ka-kulangan hin masustansya nga pagkaon.
