TACLOBAN CITY – Nakatalaan nga magtindog hin tulo (3) nga KADIWA Centers an City Agriculturist Tacloban subay gihapon ha City Ordinance ngan pagsunod han mandato han Department of Agriculture.
Sumala kan Tacloban City Agriculture Head, Romelo Anade nga ini in kabahin han paningkamot han gobyerno nga mabuligan an mga parag-uma ngan purupangisda pinaagi han direkta nga pagbaligya han ira produkto ha publiko.
An mga KADIWA Centers in pagtutukuron naman ha Tacloban Public Market, City Hall North Extension, ngan ha San Jose, Tacloban City.
Dugang pa ni Anade, nga an tanan nga produkto nga igbabaligya ha mga KADIWA Centers in direkta nga tikang ha mga parag-uma ngan purupangisda, nga may-ada nira farmgate price o ira presyo han ira produkto nga dire maagi ha mga middlemen o marketing layers.
Samtang, labot la han paghahatag hin barato nga produkto ha merkado, an KADIWA Centers in nagtutudlok gihapon hin mas maupay nga food security ngan food safert ha syudad.
Usa gihapon ini nga dako nga pitad para ha ekonomiya han Tacloban ngan para ha kapulsanan han mga lokal nga producers.
(Via Bombo Shiela Encio)
