TACLOBAN CITY – Damo nga mga interbensyon para ha mga parag-uma ngan paru-pangisda han syudad hiton Tacloban an nakatalaan nga pagdumaraon mahitungod han iginpakita nga suporta ni Tacloban City Mayor Alfred Romualdez ha mga parag-uma ngan paru-pangisda.
Gin admitar naman Tacloban City Agriculturist Office Head, Romelo Anade nga an food security program in diri harumamay nga tumong mahitungod nga kinahanglan hine hin magkaduru-dilain nga supporta, interbensyon, ngan iba pa nga mga complementary interventions tikang ha magkaduru-dilain nga ahensya han gobyerno agud masiguro an food security ha bug-os nga nasud.
Kasugbong an mga ahensya han gobyerno sugad han Department of Agriculture, Bureau of Fisheries and Aquatic Resources, Department of Science and Technology in may-ada bag-o nga programa nga igin pagawas an ira opisina.
An nasabi nga programa in gintatawag nga Adaptation and Mitigation Initiative in Agriculture (AMIA), usa nga responde ha nae-eksperyensyahan yana nga climate change ha bug-os nga kalibutan.
Samtang, gin lalauman naman nga an Barangay Salvacion han syudad han Tacloban an mahihimo nga AMIA village nga makakaghatg hin dalan agud mas mapa-kusog pa an mga parag-uma ngan mahimo nga climate resilient ha agricultural production kun diin bisan ano nga kalamidad o pag baha an umabot in andam na an mga parag-uma nga mag-adapt hini nga teknolohiya. (via Bombo Niña Magpili)
