SPORTS NEWS- Opisyal na nga nagretiro ha pagmumulay hi NBA Chris Paul.
Gindumara an anunsyo mahuman nga bul-iwan hiya han Toronto Raptors kahuman an iya three-team trade ha Los Angeles Clippers.
Ha iya social media account, ginpaangbit han 12-time NBA All-Star nga nagdesisyon na ine nga magretiro ha sulod hiton 21 katuig ha NBA.
Dugang pa han 40-anyos nga hi Paul ha kaluyo nga human na an iya chapter kumo NBA player dire la gihapon matatangal ha iya kinabuhi an basketball .
Ha sulod han 3 kadekada in ha basketball naglinibot-libot an iya kinabuhi.
Ginkokonsider naman hine nga grasya an NBA career.
Hi Paul in kilala ha tawag nga CP3 nga shortcut han iya ngaran ngan jersey number in nagin 4th overall pick ha 2005 NBA Draft.
Manunumduman, nagmulay ine ha mga koponan hiton New Orleans Hornets, Clippers, Houston Rockets, Oklahoma City Thunder, Phoenix Suns, Golden State Warriors ngan San Antonio Spurs.
