Gin hipatik ni Philippine Coast Guard (PCG) Spokesperson for the West Philippine Sea Comm. Jay Tariela nga nakagawas na ha Exclusive Economic Zone (EEZ) han Pilipinas an Chinese research vessel nga pira kabeses nga nasipatan ha northern seaboard han Pilipinas.
Sumala kan Tarriela, nagpapabilin ha gawas han EEZ an research vessel Xiang Yang Hong 05 kasunod na gihapon han serye han pag-ayat nga ginbuhat han PCG.
Dire naman daw ine an syahan nga higayon nga sumulod ha Philippine waters an usa nga Xiang Yang HOng-type vessel.
Ha kamatuuran daw, duha kabeses na ine nga namonitor han PCG nga nakasulod ha teritoryo han nasud yana nga tuig. samtang an iba pa nga Xiang Yang HOng-type vessel in dati na gihapon nga natudlok nga sumulod ha mga katubigan han Pilipinas.
Ginduon naman ni Tarriela nga padayon hine nga babantayan an nasabi nga barko, samtang aadto ha gawas han EEZ han Pilipinas.
Rason pa naman han PCG official, nakakabaraka an gindudumara han mga ine nga pagresearch ha sulod han EEZ mahitungod nga damo an pwede han mga ine buhaton.
