NATIONAL – Dumipensa an Chinese Embassy nga nakabase ha Manila ha pambobomba hin water cannon han China Coast Guard ha barko han Pilipinas nga nahitabo dida han nakalabay nga Myerkules.
Rason han embahan nga sumulod daw an mga barko han Pilipinas ha adjacent waters ha palibot han bahura han China hin waray otorisasyon.
Resulta hine, naghimo daw an parte han China hin kaangayan nga law enforcement measure kumo baton.
Ginbatikos gihapon hine an pagkondena han mga nasud ha insidente ngan gin aghat an mga embahada han iba nga nasud nga igberepika anay an kamatuuran ugsa magkomento ha social media.
Pero basar ha mga ginpagawas nga pahayag han mga Ambassador han iba nga mga nasud nga nakabase ha Manila, nagin basaranan han mga ine an United Nations Convention on the Law of the Sea (UNCLOS) ngan 2016 arbitral ruling nga nagpawaray-bisa ha haluag nga pag-aangkon han China ha gin aagawan nga kadagatan.
