-- Advertisements --
INTERNATIONAL – Nagbuhat hin military exercises an China ha ligin han Taiwan kun diin nagpartisipar han ira army, navy, air ngan rocket personnel.
Ginpalibutan hini an Taiwan kumo usa nga military training.
Siyahan na nga ginduon han China nga kaparte han ira teritoryo an Taiwan kasunod han pagtatahog nga magamit ini hin pwersa agud makontrol an nasabi nga nasud.
Ha luyo hini in padayon nga ginduduon han Taiwan nga dire hira gintatag-iya ngan sakop han China.
Kun manunumduman, gintawag ni Taiwan President Lai Ching-te an China kumo “foreign hostile force” ngan ginsigurado hini nga maato hira kontra ha China.
