TACLOBAN CITY – Patay an Chief Medical Technologist han Eastern Visayas Regional Medical Center (EVRMC) mahuman an natabo nga vehicular accident ha Barangay Montebello, Kananga Leyte.
Ginkilala an biktima nga hi Virgilio “Bing” Hubilla Jr., 57 anyos an pangidaron, Chief Medtech han EVRMC laboratory ngan usa gihapon ha mga head han COVID-19 Testing Center han EVRMC ngan residente han Brgy. Sto. Niño, Tanauan, Leyte.
Sumala kan PMaj. Ariel Salarda, Acting Chief of Police han Kananga MPS, tikang ha Ormoc ngan pabalik na unta ha Tacloban an biktima sakay han iya awto kaupod an iya driver nga ginkilala kan Bienenido Menoc, 29 anyos han tigda ini nga mag overtake ha usa nga truck pero may-ada ngayan igkakatapo nga usa pa nga sarakyan nga ginmamaneho-an hin usa nga padi.
Agud nga diri malakikay ha iginkakatapo nga sarakyan in bumunggo an an sarakyan han mga biktima ha usa nga dump truck ngan nabunggo-an pa han ti-arabot nga usa nga sarakyan.
Nadara pa ha ospital an mao nga chief medtech pero gindeklara na ini nga dead on arrival samtang samaran naman nga padayon nga nagpapaupay an driver nga kaupod hini.
Nahibaruan nga madalunot an kalsada han matabo an mao nga aksidente tungod han makusog an pag inuran ngan an mao nga lugar in usa nga accident prone area.
