LOKAL–Nakatala hin positbo nga mga resulta an Environment and Natural Resources office tikang ha ira gindumara nga survey para ha plastic ordinance.
Sumala kan Environment and Natural Resources Officer (CENRO) Tacloban, Mr. Jonathan Hijada, ginpatugon nira an purluminos 2,265 ka tindahan tikang ha small tubtob large scale tikang han Abril tubtob Mayo yana nga tuig.
An mao nga survey in mayada 3 ka pakiana: una kun nasabot hira nga mayada plastic ordinance, ikaduha kun ano an maupay nga impato hini, ngan ikatulo: kun na-comply ba hira hini.
Basar ha mga resulta, 90% an nasabot han ordinansa, 90% naman an tumugon nga maupay an impato hini, ngan 60% naman an nagsiring nga nasunod hira han mao nga ordinansa.
Dugang pa hine, may pipira pa nga waray makakag comply matungod nga an mga non synthetic nga pamputos in dire available ha mga paralitan, ngan ine in ginkokonsidera naman han Resource Office.
