TACLOBAN CITY – Gin-aaghat han Commission on Population and Development an publiko nga gumamit hin family planning services agud malikayan an dire planado nga pagbuburod, labi na ha mga kabataan.
Subay kan Commission of Population and Development (CPD) 8 Regional Director, Elnora R. Pulma, importante iton insakto nga mga impormasyon kasumpay ha magkaduru-dilain nga mga pamaagi han family planning tikang modern artificial methods sugad han pills ngan injectables, kutob ha natural family planning.
Usa ha mga pangunahon nga isyu in an teenage pregnancy nga durot han sayop nga impormasyon tikang ha social media.
Mahitungod hini, nanawagan an ahensiya hin kooperasyon tikang ha DOH, lokal nga pangobyernohan, mga eskwelahan, ngan mga kag-anak agud maipasarang an sakto nga impormasyon kasumpay han family planning.
Ginmalatumat gihapon han komisyon nga may-ada hira programa nga ira papahalawigon agud solusyonan an presente nga mga ayat.
(via Bombo Shiela Encio)
