NATIONAL NEWS– Ginabaton ni senator Alan Peter Cayetano an mga kritiko han iya agsob nga pagla-live ha Facebook, kalakip na an magbugto nga hira senator Raffy Tulfo ngan senator Erwin Tulfo.
Ha iya Facebook Live, ginpahayag ni Cayetano nga dire niya maintindihan kun kay-anu hiya an ginsusukna tungod ha agsob nga paggamit niya ha social media, ha kaluyo nga nagamit gihapon an mga ine.
Sumala kan Cayetano, mas damo an nagkikita ha iya mga online broadcast matungod karuyag han publiko nga mabatian an iya kampo ngan an iya bersyon han kamatuoran.
Gin-akusaran gihapon niya hira Raffy ngan Erwin Tulfo, lakip na hi Senator Ping Lacson, nga nagbabalyuay la hin mga pagsukna ngan pagpapasarang hin sayop nga impormasyon ala kontra ha iya.
Manunumduman, nagin sentro han batikos hi Cayetano matungod ha agsob niya nga pagpe-Facebook Live ha butnbga han pag-absent han iya grupo ha mga sesyon han Senado han hiya pa an Senate President.
Agsob naman igyakan han magbugto nga hi Tulfo nga mas kinahanglan unahon an pag-atinder ha mga sesyon kumpara an mag post ha social media.
Kadungan hine, utro nga nagin maaringasa an himangrawon, han igpahayag ni Senator Ping Lacson an ginbabana-bana nga P700 million nga pondo han gobyerno, nga daw in nakawang ha sulod han 28 ka-adlaw ha pagtatagmangulo ni Cayetano ha Senado.
Dire naman direkta nga gindiwara ni Cayetano an nasabi nga kantidad, lugod in ginpahayag hine nga parehos la an magigin gaston han Senado, bisan hino an naka-lingkod kumo Senate President ha nasabi nga mga panahon.
