TACLOBAN CITY – Nakarawat han maabot sobra 170 nga mga Persons with Disabilities (PWD) ha Tacloban City an ira payout mahuman makompleto nira an 10 ka-diyas nga cash-for-work program.
Ginbuhat an mao nga pay-out dida han nakalabay nga Setyembre 18 han presente nga tuig nga kun diin, nakarawat han mga benepisyaryo an tag-P4,050 nga ginpundohan naman han Department of Social Welfare and Development Regional Office 8,
Sumala kan Social Welfare Officer III ngan PWD Focal Person, Maria Lourdes Sabate nga an mao nga programa para ha PWDs in nagtikang dida han Hulyo 8 kutob Hulyo 18 kun diin, nagtrabaho an mga benepisyaryo hin 4 ka-oras kada-adlaw ngan na-assign an mga ini ha magkadurudilain nga mga barangay ha siyudad.
Samtang, malinampuson naman an ginbuhat nga payout activity nga ginpangunahan han DSWD kaupod an City Social Welfare and Development Office nga gindumara ha Tacloban City Hall.
