NATIONAL NEWS– Nabalabgan an usa nga 66-anyos nga Canadian national ha Ninoy Aquino International Airport (NAIA) mahuman nga makuhaan hin ginbabana-bana P164.7 million nga kantidad han gintutuohan nga shabu ha iya bagahe, ine in subay ha Philippine Drug Enforcement Agency (PDEA).
Umabot an suspek, nga hi alyas ‘Grace,’ tikang ha Torondo, Canada via Hong Kong. Na dakop an suspek han mga awtoridad mahuman an usa nga intelligence-based operations han NAIA Inter-Agency Drug Interdiction Task Group (NAIA-IADITG).
Nakuha ha bagahe hine an 3 nga dagko nga garbage bag nga maysulod nga 24,231 gramo han gin-aaligar nga methamphetamine hydrochloride o shabu.
Kalakip ha mga nakumpiska an Canadian passport, dalawang boarding pass, cellphone, ID card, ngan baggage declaration form.
Ha pagkayana, maatubang an suspek ha kaso nga pagtalapas ha Section 4, Article II han Republic Act 9165 o Comprehensive Dangerous Drugs Act of 2002.
