-- Advertisements --
NATIONAL NEWS– Igpapabilin han Civil Aeronautics Board (CAB) an airline fuel surcharge ha Level 4 pag-abot ha bulan hiton Nobyembre.
Ine na an ika-upat nga bulan nga napabilin an Level 4 fuel surcharge.
Karuyag sidngon, nga magbabayad an mga pasaheros hin P117 ngada ha P342 kada pasahero ha mga domestic flights nga tikang ha Pilipinas.
Samtang maabot naman tikang ha P385.70 ngada hiton P2,867.82 kada pasahero para ha international flight.
An fuel surcharge in ginsusukot han mga airline companies ha mga pasaheros para siguraduhon gihapon an mga airline companies ha pabag-o bag-o nga presyo hiton lana.
