TACLOBAN CITY- Ginpahibaro han Business Permits and Licensing Division nga ira gintutugot nga mag abre an mga internet shop dinhe ha syudad para ha modular learning han mga estudyante.
Sumala kan Gemafiel Gaspay,Head Business Permits and Licensing Division nga ira ine gin-aallowed matungod nga mayda mga estudyante nga nangingnahanglan hin reaserach nga usa nga proseso yana han pag-aram.
Kalakip mangud nga ginmomonitor han ira buhatan an mga internet cafe nga natalapas han ira kamanduhan ngan napasakob hin mga minor de edad.
Dugang pa hine nga ira naman ginpapahimatngunan an mga internet establishment nga magpasulod an mga ine hin mga minor de-edad pero in in kinahanglan nga mayda upod han ira mga kag-anak.
Nagpahinunomdom naman ine ha tanan nga tag-iya hiton internet cafe nga likayan nga magpasulod hin mga minor de edad agud nga dire matagan hin notice tikang ha ira buhatan.
