NATIONAL NEWS – Nalahusan han Bureau of Customs (BOC) an target hine nga revenue para ha bulan han Mayo 2024.
Basar ha report han ahensya. lumahos an koleksyon hine hin kutob ha 2.687%.
Nahimo han BOC nga makakolekta hin P81.753 billion nga revenue ha bug-os nga Mayo. An nasabi nga koleksyon in mas hitaas hin P2.132 billion kumpara ha target hine nga P79.621 billion.
An nasabi nga kantidad in mas hitaas gihapon kumpara ha nakolekta hine dida han Mayo ha nakalabay nga tuig nga umabot la ha P77.926 billion.
Kutob yana nga bulan han Mayo in nahimo na han BOC nga makakolekta hin maabot ha P381.347 billion, mas hitaas ine hin 6.13% kumpara ha target collection nga P366.047 billion.
Igin tudlok naman han ahensya an mahugot nga monitoring ha mga imported commodities para masigurado an akma ngan sakto nga tax collection.
