TACLOBAN CITY – Ginpailarom ha total lockdown an bungto han Tarangnan Samar tinikangan kakulop kutob yana nga adlaw kadungan hiton pagseleblar han ira kapiyestahan.
Sumala kan PCapt Constantino Jabonete, hepe han Tarangnan MPS, panuyo hini nga malikayan an pagdayo han mga katawhan para mamatron o bisan anu nga klase hin social gatherings nga pupuydi pagtikangan hiton pagkalat han COVID-19.
Mahugot gihapon an ira pagbabantay ha mga entry points han bungto agud nga waray may makasulod nga mga taga iba nga bungto.
Samtang, buwas nga adlaw pagkahuman nga bulkason iton total lockdown in dayon liwat nga igsusunod an pagpatuman hin partial lockdown naman ha bugos nga Tarangnan kutob ha Martes.
Manunumduman nga an bungto han Tarangnan Samar an pinakasyahan nga lugar ha Eastern Visayas nga nagkamay-ada hin local transmission han COVID-19.
