TACLOBAN CITY — Gin-anunsyo han Local Government Unit (LGU) han Lapaz Leyte nga COVID-free na ha pagkayana an ira bugos nga bungto.
Sumala kan Lapaz Mayor Angel Sia, nga nag negatibo na ha COVID an 18 nga mga kumpirmado nga kaso ha ira lugar.
Ginklaro naman han mao nga alkalde nga an ika-18 nga pasyente ngan pinakaurhi nga kaso in nakahuman na han iya quarantine period ngan maupay na an kahimtang panlawas ugsa paman gumawas an resulta han iya swab test.
Nanawagan naman ini ha mga Lapaznon nga igpabilin an pagkaurusa ngan pagsunod ha mga health protocols agud nga mapabilin an pagigin COVID free han ira bungto.
Manunumduman nga naglabay nga bulan in iginpailarom an Lapaz ha enhanced community quarantine (ECQ) mahuman an tigda nga paghataas han ihap han mga positibo nga kaso ngan makaghipatik hin local transmission.
