TACLOBAN CITY- Igduduso ni senatorial aspirant ngan anay DPWH Secretary Mark Villar an mga balaudnon may kalabutan ha paghingayad hin mga imprastruktura kon in kaso magdaug ini kasenador.
Ha usa nga press conference, ginpahayag ni Villar nga dako nga bulig an mga programa kaparehas han “Build, Build, Build” ha ilarom han administrasyon ni Presidente Duterte para matagan hin trabaho an damo nga mga Pilipino.
Ha sakob daw hin sobra lima katuig nga implementasyon hini nga progarama, sobra 6 milyon iton nagkatrabaho ha pagtindog hin maabot 29,000 kilometros nga karsada, pag ayad hin sobra 5,000 nga mga tulay ngan 150,000 nga mga eskwelahan ha bug os nga Pilipinas bisan pa dida han pandemic.
“Pag na-push yong mga big ticket infrastructure projects hindi lang mga construction workers ang magkakaroon ng trabaho. Halimbawa, matapos yong farm to market road, made-develop yong lugar at papasok na ang ibang mga negosyante”, pahayag ni Villar.
Dugang pa hini nga usa daw ha mga rason kon ano hitaas an iya ratings ha mga survey tungod kay nakikit-an han mga tawo an kaupayan han programa nga “Build,Build, Build”.
