-- Advertisements --
NATIONAL – Target han Department of Agriculture nga maipahamubo pa an presyo han bugas ha 38 kutob 39 pesos an kada kilo ha mga Kadiwa stores ugsa mahuman an Enero ha 2025.
Ini mahuman magin balaud an pag-amyenda ha Rice Tariffication Law.
Ginmalatumat ni DA Sec. Francisco Tiu Laurel Jr. nga ha ilarum han balaud in nagbubuhat hira hin evaluation ha taripa han bugas ha kada upat ka-bulan.
Sumala kan Laurel nga nakadepende ha pagkiwa han exchange rate kun mahitaas o dire an taripa han bugas nga makakaapekto naman ha presyo hini.
Ha pagkayana, nagtikang na nga magbaligya an DA hin P40 nga kada kilo hin bugas ha ilarum han Kadiwa ng Pangulo Program.
