TACLOBAN CITY – Maabot sobra 13 milyon an igin alutaga nga budget han City of Tacloban para han pagdudumaraon nga piyesta ngan mga aktibidad yana nga Hunyo 2025.
Sumala kan Sangyaw Festival Director, Ryan Val Delenya, maabot ha 500 thousand an grand champion ha dance category kumpara han nakalabay nga piyesta nga 200 thousand.
Dugang pa hini nga parehas gihapon an premyo nga 500 thousand an makakarawat han grand champion para naman han float category.
Sumala naman ha Tacloban City Tourism nga waray dapat igkabaraka ha mga mabisita ha siyudad mahitungod nga ginsigurado han ira buhatan nga mahugot iton siguridad, talwas ngan maayos kun diin, pati mga basura in mayda mga designated nga mga labugan ha kada stall han Sangyawan grounds.
Samtang aada naman ha 14 participants an mapartisipar ha Festival Dance Competition ngan 15 contingents naman ha Float Competition kun diin, an tema naman han kapistahan yana nga tuig in “Kultura ngan Pagtuo”.
