ENTERTAINMENT NEWS– Gin-anunsyo han Korean group nga BTS an ira pagdudumaraon nga World Tour.
Ha ira social media account, ginpaangbit han mga ine an lugar kun diin kalakip an Pilipinas.
Pagdudumaraon han grupo an concert nira ha Pilipinas ha maabot nga Marso 13-14, 2026.
Magtitikang naman an ira world tour ha Goyang, South Korea ha bulan han Abril ugsa maglibot ha magkalain lain nga lugar ha Asya, Europa, Australia, North ngan South America.
Manunumduman, nga urhi nga bumisita an grupo hadton 2017 ha ira “Wings” tour samtang an usa nga miyembro nira nga hi J-Hope in bumalik ha nasud hadton Abril han nakalabay nga tuig.
Nakatalaan naman nga igpagawas han grupo an ira ika-lima nga studio album ha bulan han Marso.
Tikang han mabug-os han 2013 in sumikat na hira ha bug-os nga kalibutan ngan nakaghimo hin mga record nga may pinakadamo nga views ngan streams online.
