-- Advertisements --
Nagpahimatngun an Bangko Sentral ng Pilipinas (BSP) kontra ha ilegal nga paghimo ngan pag-imprenta hin peke nga salapi.
Ha ilarum han Circular No. 829, series of 2014, gindidire an paghimo, pag-imprenta, pagdestribwer, o paggamit han handbill, advertisement, placard, card, o bisan ano nga butang nga may litrato, kopya, o kaparehas han legal tender nga kwarta nga papel han Pilipinas hin waray permiso tikang ha BSP.
Pahimatngun han ahensya, an hino man nga matalapas ha nasabi nga regulasyon in puydi mapasakahan hin sirot nga pagkakapreso hin lima kutob 10 ka-tuig.
Samtang, ginklaro naman han BSP nga ginkarawat la gihapon ha mga transaksyon an mga kwarta nga papel ngan polymer banknotes nga may pilo.
