Ginpahitaas han Monetary Board han Bangko Sentral ng Pilipinas an target reverse repurchase rate o RRP hin 25 basis points ha 4.75 porsyento hini dida han Hunyo 2026 mahitungod ha nagpapabilin nga makusog nga inflationary pressures ha ekonomiya.
Ini na an ikaduha nga higayon yana nga tuig nga nagpahitaas hin interest rate an BSP mahuman gihapon magpatuman hin 25 basis points increase dida han Abril nga nagdara ha RRP ha 4.50%. Kadungan hini, ginpahitaas gihapon an overnight deposit ngan lending facility rates ha 4.25% ngan 5.25%, subay ha pagkakasusrunod.
Subay ha BSP, padayon nga nagduduso han paghitaas han presyo ha nasud in an hitaas nga kantidad han lana ngan abono ha world market, nga nakakaapekto ha presyo han pagkaon ngan produkto nga petrolyo. Iginpakita gihapon han paghitaas han core inflations nga nagtitikahaluag an pressure ha presyo ngan nagtitikahitaas an inflation expectations ha magkadiru-dilain nga sektor.
Ginmalatumat han bangko sentral nga panuyo han pitad nga mapabilin nga kontrolado an panmaihaan nga ginlalauman nga inflation ngan malikayan an kadugangan nga paghitaas han presyo.
Ginlalauman gihapon nga makakabulig an pagpapahugot ha monetary policya agud suportahan an mga pitad han gobyerno agud mapabilin an paggastos han mga mamaralit ngan mapakusog an kumpyansa han mga negosyo.
